РОССИЯ МӘКТӘПЛӘРЕНДӘ МАРТ АЕНДА КЫҢГЫРАУ ЧЫЛТЫРАВЫ КЛАССИК МУЗЫКА БУЛЫП ЯҢГЫРАЯЧАК

Россия мәктәпләрендә март аенда «Кыңгыраулар урынына мелодияләр» бөтенроссия проектының яңа этабы башлана. Бу айда мәктәпләрдә таныш мәктәп чыңлавы урынына рус классикларының әсәрләренең өзекләре яңгыраячак. Бу үзгәрешне Россия Мәгариф министрлыгы хәбәр итте.

Бу ай дәвамында укучылар Михаил Глинканың «Руслан һәм Людмила» операсыннан увертюра, Петр Чайковскийның «Лебединое озеро» балетыннан «Маленькие лебеди» һәм Александр Бородинның «Князь Игорь» операсыннан «Улетай на крыльях ветра» хоры кебек әсәрләрне ишетәчәкләр. Шулай ук программада – «Евгений Онегин» операсыннан «Уж как по мосту-мосточку» өзеге.

Классик әсәрләр белән беррәттән, мәктәпләрдә 2025 елның «Кыңгыраулар урынына мелодияләр» бөтенроссия инструменталь һәм рәсем сәнгате конкурсы җиңүчеләре иҗат иткән мелодияләр дә яңгыраячак.