РОССИЯ МӘКТӘПЛӘРЕНДӘ ЧӘРШӘМБЕ КӨНЕН «ЯРТЫ ЯЛ КӨНЕ» ИТӘРГӘ ТӘКЪДИМ ИТТЕЛӘР

Россия Иҗтимагый палатасы секретаре урынбасары Владислав Гриб чәршәмбе көннәрендә уку йөкләнешен киметергә тәкъдим итте. Аның фикеренчә, бу аеруча югары сыйныф укучылары һәм башлангыч сыйныф балалары өчен актуаль.

Ул мисал итеп Франция һәм Бельгияне китерде: анда кайбер мәктәпләрдә чәршәмбе көне дәресләр саны азрак булган көн булып санала.

Әлеге тәкъдимне әйтүчеләр фикеренчә, чагыштырмача иркенрәк чәршәмбе балаларга яхшырак ял итәргә, көч җыярга һәм пәнҗешәмбе белән җомга көннәрендә нәтиҗәлерәк укырга ярдәм итәчәк.