Радик Юльякшин гитарачы эзли

Кичә башкорт, татар, рус һәм хәтта румын телләрендә җырлар башкаручы Радик Юльякшин кастинг игълан иткән. Башкортостан атказанган артистының музыкаль командасында гитарачы урыны буш тора. Бу хакта "Башинформ" хәбәр итә.

«Мөһим! 25 яшькә кадәр, зарарлы гадәтләре булмаган», — дип ачыклык керткән җырчы белдерүдә.

Elvin Grey кандидатларның эшләрен электрон почтага җибәрүне сораган. Сүз уңаеннан, артист яңа гитарачының нинди җенестән булуын күрсәтмәгән, шуңа күрә Радик Юльякшинга җанатар кызлардан гаризалар килә башлаган.

Искәртеп узыйк, сентябрь башында җырчыга Башкортстанның атказанган артисты исеме бирелде.