ПРОПУСКЛАР КИРӘКМИ, МАСКА ҺӘМ ПЕРЧАТКАЛАР МӘҖБҮРИ

Билгеле булганча, 12 майдан башлап, республикада пропусклар режимы бетерелә. Эш урыныннан белешмәләр дә кирәк булмаячак. Аның каравы, хәзер урамга чыкканда маска һәм перчаткаларсыз булу тыела.

Татарстанның Роспотребнадзор идарәсе җитәкчесе Марина Патяшина белдергәнчә, перчаткалар безне авыз, борынга кагылудан чикләп тора. 

«Сез кулыгызны юарга онытырга мөмкинсез, ә перчаткаларны салачаксыз. Кирәк булмаган кешеләр белән аралашмау сорала. Кунаклар чакырудан да тыелыгыз» - дип белдерде җитәкче. 

 Маска кимәүчеләр контрольдә тотылачак. Чөнки алар авыруны башка кешеләргә йоктырырга мөмкин. Чөнки бүген авыручыларның 60 проценты симптомнарсыз авырый.