ОЛЬГА ВАСИЛЬЕВА МӘГАРИФ МИНИСТРЫ ТҮГЕЛ?

Михаил Мишустин җитәкчелегендәге Россиянең яңа хөкүмәте тиздән формалашып бетәчәк. Инде беренче үзгәрешләр дә сизелә. Һәрхәлдә, мәгариф, белем бирү өлкәсенә кагылганнары.

Ольга Васильева Россиянең Мәгариф министры вазыйфасыннан китәчәк һәм Россиянең яңа Хөкүмәте составына кермәячәк. Хәзергә аның урынына кем булачагы билгеле түгел. Әмма изге урын буш тормаган кебек, ул да тиздән буш булмаячагы көн кебек ачык. Хәзерге вакытта министр кәнәфиендә Рособрнадзор башлыгы Сергей Кравцов булачак дигән фаразлар бар.

Ольга Васильеваның матбугат сәркатибе Андрей Емельянов Васильеваның китүенә берничек тә комментарий бирмәгән. Әлегә Кравцовның билгеләнүе турында да комментарий юк.