НОЯБРЬДӘ НИЧЕК ЯЛ ИТӘЧӘКБЕЗ?

Билгеле булганча, 4 ноябрьдә Россиядә халык бердәмлеге көне билгеләп үтелә. Шул уңайдан, россиялеләрне өстәмә яллар көтә.

Быел яллар өч көн рәттән булачак. 2, 3 һәм 4 нче ноябрь көннәрендә халык ял итә. 1 ноябрь исә җомгага туры килә. Шулай булуга да карамастан, ул бәйрәм алды көне дип билгеләнмәгән. Димәк, кыска эш көне булмаячак, дип хәбәр иткән Хезмәт һәм мәшгульлек федераль хезмәте җитәкчесе урынбасары Иван Шкловец.