НОЯБРЬДӘ ҺАВА ТОРЫШЫ НИНДИ БУЛАЧАК?

Россия Гидрометцентр лабораториясенең җитәкчесе Людмила Паршина Россиядә ноябрь аенда нинди һава торышы булачагын сөйләде.

Людмила Паршина сүзләренчә, Ленинград, Псков һәм Идел буенда температура айлык нормадан югарырак булачак. 

Конкрет Татарстанда исә, "Гисметео" порталы мәгълүматлары буенча, һава торышы ноябрь ае нормасыннан җылырак булачак. Ноябрьнең беренче атнасында һава температуры +11 градуска кадәр булыр, дип көтелә. Ә алга таба һава температурасы көндезләрен – -2, төнлә -4 градус булачак. 13нче ноябрьгә кадәр кар явуы көтелми.