«НАРУЖУ ИЗНУТРИ»: «ИДЕЛ» ҮЗЕНЧӘЛЕКЛЕ КИЧӘГӘ ЧАКЫРА

Сез үз хисләрегезне телефонга яисә шәхси көндәлеккә еш язып барасызмы? Алар белән һәрвакытта да бүлешеп булмый, шулай бит? «Идел» журналының рус варианты барыбызга да ачылырга ярдәм итүче «Наружу изнутри» дип аталган кичә бүләк итә.

Кичәнең иң мөһим өлеше – хис. Бу кичтә тормышларының авыр вакытларын яисә иң мөһим хис-кичерешләрен язып барган катнашучылар үз фикерләре, хәтта әсәрләре белән дә бүлешә алачак. Ә аннан соң рәссам, музыкант, биюче, актерлар әзерлексез шул әсәрне ясарга, язарга, уйнарга тырышачак. Шулай итеп, уникаль перформанс килеп чыгачак.

Кичәгә барлык сәнгать эшлеклеләрен дә көтеп калалар. Гаризалар 24 апрельгә кадәр кабул ителә. Сылтама буенча үтеп, гугл-форма гына тутырып җибәрергә кирәк.