МӘКТӘПЛӘРГӘ - ЮГАРЫ ТИЗЛЕКТӘГЕ ИНТЕРНЕТ

2020 елда Татарстанда барлыгы 1045 мәктәпне югары тизлектәге интернетка тоташтырачаклар. Бу турыда Татарстанның цифрлы үсеш һәм элемтә министры урынбасары Альберт Яковлев белдерде.
Хәзерге вакытта 1680 объектның 635 е югары тизлектәге интернетка тоташтырылган. Яңа уку елы башына тагын 1045 мәктәптә югары тизлектәге интернет барлыкка килергә тиеш.
Әйтергә кирәк, әлеге программа “Цифрлы икътисад” милли проекты кысаларында тормышка ашырыла. Бу аңлашыла да, чөнки бүген интернет виртуаль дөньяда бик зур мөмкинлекләр ача. Укытучыларга укыту процессын көйләү, биремнәр бирү җиңелрәк, ә укучылар өчен исә бу – дәресләргә әзерләнү өчен менә дигән мөмкин.