МӘКТӘПКӘ КЕРГӘНДӘ, КАМЕРА ТИКШЕРӘЧӘК

Россиянең бөтен мәктәпләрендә дә махсус камералар урнаштырырга җыеналар. Алар кеше йөзен танып белә торган булачак. Бу эш белән Мәгълүматлаштыру милли үзәге шөгыльләнергә җыена (әлеге ширкәт “Ростех” корпорациясенә керә). Ул аны төбәкләрдәге мәгариф бүлекләре заказы буенча эшләячәк. 

Мондый күзәтү системасын мәктәпләрнең коридорлары, заллары, баскычларына, шулай ук биналарның тышкы ягына да урнаштырырга җыеналар. Видеокүзәтү системасының барлык элементлары да Orwell системасына тоташкан. Анда NtechLab дигән йөзне танып белә торган модуль урнаштырыла. Ул мәктәп территириясенә керү хокукына ия булмаган кешеләрне таныячак. 

Мондый системаларны Россиянең 12 төбәгендәге 1608 мәктәп алган инде.