МИННИХАНОВ УРАЗА БӘЙРӘМЕ ҺӘМ КОРБАН БӘЙРӘМЕ ДАТАЛАРЫН РАСЛАДЫ

Татарстан Рәисе Рөстәм Миңнеханов Ураза бәйрәме һәм Корбан бәйрәме көннәрен билгеләде. Республика башлыгы тиешле указга кул куйды.

Документта әйтелгәнчә, ай календаре һәм гамәлдәге традицияләргә ярашлы рәвештә, Ураза бәйрәме 20 мартта башланачак. Ә Корбан бәйрәме быел 27 майга туры килә.

Ике бәйрәм дә эш көннәренә туры килә, әмма Татарстан законнары нигезендә алар республика территориясендә ял көннәре дип игълан ителәчәк.

Исегезгә төшерәбез, моңа кадәр Ураза бәйрәме һәм Корбан бәйрәме даталарын Татарстан Мөселманнары Диния нәзарәте дә билгеләгән иде. Изге Рамазан ае 19 февральдә башланып, 20 мартта тәмамланачак.