МАТЕМАТИКАДАН БДИ: САНЛЫ НӘТИҖӘЛӘР

7 июнь көнне профильле математика буенча БДИ булып узды.Кичә, ягъни 21 июнь көнне аның нәтиҗәләре расланды. Имтиханны барлыгы 9462 кеше тапшырган. Нәтиҗәләр нинди соң?

100 баллны барлыгы 13 катнашучы җыйган. 2020 елда бу сан 19 булган. 14 кеше 99 балл туплаган.

1575 (16,65%) кеше БДИда 80нән күбрәк балл җыя алган. 2020 елда югары баллны 12,66% туплаган булган.

Татарстанда профильле математика буенча уртача балл 61,47не тәшкил итә. 2020 елда 59,5 була.

13 кеше җитди сәбәпләр аркасында имтиханны иртәрәк тәмамлаган. Алар аны резерв көннәрдә кабаттан тапшыра алачак.

Минималь баллны (27 балл) 304 катнашучы (3,22%) җыя алмаган. Тәртип бозу сәбәпле 1 кеше имтиханнан чыгарылган.