Маникюр ясатып бармаксыз калырга мөмкин...

Берничә атна элек Стелла исемле бер ханым бармаксыз калган. Барысы да аның маникюр ясатуыннан башлана.

Процедура вакытында белгеч ялгыш аның бармагын яралый. Ханым моңа артык зур игътибар бирми. Була торган хәл бит. Бармагы бик нык авырта башлау сәбәпле, күпмедер вакыттан соң Фальконе табибка мөрәҗәгать итәргә мәҗбүр була. Табиблар аның  бактериаль инфекция йоктыруы турында нәтиҗә чыгара. Үлекне агызу өчен операция ясыйлар. “Табиблар 6 көн эчендә 5 операция ясады. Соңгы чиктә бармакның өске өлешен ампутацияләргә мәҗбүр булдылар”, - дип Стелла. Хастаханәдән чыгаруга, ханым салонны судка бирә. Тикшеренүләрдән соң салон хезмәткәрләренең маникюр ясый торган кирәк-яракны стерильләштермәүләре ачыклана. Фальконе бу салондагы бердәнбер корбан түгел икән. Процедуалардан соң сәламәтлекләре какшавы турында тагын берничә ханым зарланып мөрәҗәгать иткән.

Сакланганнны саклармын, дигән. Шуңа күрә маникюрга гадәти бер процедура итеп кенә карамыйча, игътибарлы һәм сак булсак иде. Үз эшен белгән һәм кагыйдәләрне үтәгән белгечләргә мөрәҗәгать итәргә тырышыйк.

Зилә САБИТОВА әзерләде