МӘКТӘПЛӘРДӘ ТӘРТИП ӨЧЕН БИЛГЕНЕ БЕР УКЫТУЧЫ ГЫНА КУЙМАЯЧАК

Мәктәпләрдә укучыларның тәртибе өчен билгеләнәчәк бәяләрне бер укытучы түгел, ә педагоглар коллективы билгели, дип хәбәр итте Мәгариф министрлыгы эксперты, Балаларны, гаиләне һәм тәрбияне өйрәнү институтының баш белгече Марина Конева.

«Тәртипне бер генә укытучы түгел, педагоглар коллективы бәяли. Монда директорның тәрбия буенча киңәшчеләре, логопедлар, дефектологлар, социаль педагоглар, психологлар һәм предмет укытучылары катнаша», – дип аңлатты ул.

Апробация хәзерге вакытта 1-8 сыйныфларда Россиянең 89 мәктәбендә үткәрелә. Конева әйтүенчә, күп педагоглар билгеләп узганча, балаларның тәртибе үзгәрә, һәм укучылар яхшы сыйфатларга омтылырга тырыша.

Киләсе уку елында тәртип өчен билгеләр һәр төбәкнең ун мәктәбендә кертәчәк. Бу бәяләр өч дәрәҗәдә булачак: үрнәк күрсәткечле, рөхсәт ителгән, рөхсәт ителмәгән. Киләсе елда әлеге модель бөтен гомуми белем бирү оешмаларында кулланылачак.