Макдональдс веганнар өчен махсус бургерлар сата башлый

Веганнар өчен ясалган бургерларны Германиядәге Макдональдс рестораннарында сата да башлаганнар инде.

Ит урынына кәтлитне соя һәм бодайдан ясыйлар. Ә көнҗетле икмәк, помидорлар, салат яфраклары, тозлы кыяр, суган, шулай ук кетчуп белән горчица гадәттәге бургердагы кебек кала.

Макдональдс компаниясе вәкилләре әйтүенчә, Германиядә веганнар саны әлегә күп түгел, әмма бу хәрәкәт үсеш ала һәм әлеге бургерлар компаниянең бу тенденциягә кушылуын аңлата.