МӘГАРИФ МИНИСТРЛЫГЫ ЯЗГЫ КАНИКУЛ ДАТАЛАРЫН БИЛГЕЛӘДЕ

Россия Мәгариф министрлыгы мәктәп укучылары өчен язгы каникуллар үткәрү даталарын тәкъдим итте. Бу хакта «РИА Новости» агентлыгына Россия мәгариф министры Сергей Кравцов хәбәр иткән.

Аның сүзләренә караганда, гомуми белем бирү оешмаларына язгы каникулларны 2026 елның 28 мартыннан 5 апреленә кадәр үткәрү киңәш ителә. Җәйге яллар исә 27 майдан 31 августка кадәр барачак.

Исегезгә төшерәбез, быел укучыларның кышкы каникуллары 2025 елның 31 декабреннән 2026 елның 11 гыйнварына кадәр дәвам итте.