МӘКТӘПЛӘРДӘ КИБЕРСПОРТ УКЫТЫЛАЧАК?!

Россия Мәгариф Министрлыгы Интернет үсеше институтының мәктәпләргә киберспорт фәнен кертү тәкъдимен караячак. Бу фәнне эсперимент буларак факультатив дәрес рәвешендә кертүне күз алдында тота.  Институт белгечләре фикеренчә, IT технологияләр өлкәсе һәрдаим яңа кадрларга мохтаҗлык кичерә. Ә уен ярдәмендә компьютер технологияләренә өйрәнү күпкә җиңелрәк һәм кызыклырак була. Бу эксперимент 2020-2025нче еллар аралыгында РФның һәр субъектындагы аерым бер мәктәбендә кертелергә мөмкин. Мәгариф Министрлыгы институтның бу тәкъдимен тикшерергә риза, һәм, шул ук вакытта, гаджетлар белән эш иткән вакытта балаларның сәламәтлек мәсьәләсенә дә игътибар итәргә кирәклеген ассызыклый.