«Мәктәп директоры-2017» конкурсы җиңүчесе - Татарстаннан!

Мәскәүдә «Мәктәп директоры-2017» Бөтенроссия конкурсы тәмамланды. Аның җиңүчесе – Казанның Яңа Савин районының кайбер предметларны тирәнтен өйрәтә торган 85нче мәктәбе директоры Ренат Хәйбуллин.

Бәйгенең йомгаклау этабында Татарстанның 6 мәктәбе директоры катнашты. Аларның дүртесе «Директор-стратег», «Директор-лидер», «Директор-аналитик», «Директор-эксперт» номинацияләрендә лауреат исемен алды. «IT-лицей» директоры Тимурбулат Самерханов конкурсның призеры исеменә лаек булды.