КЫЗУ КӨННӘР КӨТЕЛӘ...

Киләсе өч көнгә һава торышы белән танышып үтик: 

Татарстан Гидрометеорология һәм әйләнә-тирә мохитне күзәтү идарәсе мәгълүматларына караганда, алдагы өч көндә республикада алмашынучан болытлы һава торышы хакимлек итәчәк.

Бүген һәм иртәгә республиканың көнчыгыш районнарында урыны белән кыска вакытлы яңгырлар көтелә. Чәршәмбе көн явымсыз булачак.

Татарстанда алдагы көннәрдә кызу булачак. Көндезге максималь һава температурасы бүген – +25..+30, 22 августта – +25..+30, ә 23 августта – +28..+33 градуска кадәр күтәрелә.