КОРОНАВИРУС СӘБӘПЛЕ БДИ РАСПИСАНИЕСЕ ҮЗГӘРӘ

Короновирус таралу куркынычы зур булганлыктан БДИ расписаниесенә үзгәрешләр кертеләчәк. Алай гына да түгел, йомгаклау имтиханнарын алдан һәм өстәмә бирү көннәре датасы да үзгәрә.

Бу турыда вице-премьер Татьяна Голикова белдергән. Ә аңа кадәр Рособрнадзор вәкилләре БДИ һәм ТДИ ны алдан бирү вакытларын үзгәртергә планлаштырмыйбыз, дип җавап биргәннәр иде. Карантиндагы укучылар исә имтиханнарны алдан түгел, ә төп агым вакытында бирәчәкләр, дип фаразланды. Яңа үзгәрешләр нәтиҗәсендә нинди карарлар кабул ителер, әлегә билгеле түгел.