«КОНСТРУКТИВ»лыкка ТАБА: КАЗАНДА ЯШЬЛӘР АРАСЫНДА ТЕРРОРИЗМ ҺӘМ ЭКСТРЕМИЗМГА ЮЛ КУЙМАУ МАКСАТЫННАН ФОРУМ ҮТӘ

ТР Яшьләр эшләре министрлыгы һәм Терроризмга каршы комиссия аппараты «Вконтакте» ярдәме белән «Конструктив» исемле форум үткәрә. Аның максаты – өч көн эчендә лекторийлар һәм дискуссияләр аша яшьләр арасында экстремизм һәм терроризм идеологиясенә профилактика булдыру.

Форум катнашучылары дөньядагы актуаль мәсьәләләр буенча фикер алыша, критик фикерләү һәм стресска каршы тору сәләтен, вербовкаларга, буллингка һәм манипуляцияләргә каршы булган күнекмәләрне үзләштерә, яшьләрне деструктив берләшмәләргә җәлеп итү темасын өйрәнә.

«Конструктив» онлайн да бара. Әлеге сылтама буенча лекцияләргә сез дә кушыла аласыз: https://vk.com/we_arethew