КФУ студентлары өчен яңа тулай торак төзеләчәк

Казанда КФУ студентлары өчен яңа тулай торак төзергә телиләр. Анда барлыгы 8-9 мең кеше яши алачак. Тулай торак КФУның шәхси милке булмаячак, әмма билгеле бер шартларда аның кармагына тапшырылачак.

Университет ректоры Илшат Гафуров әйтүенчә, Татарстанның югары уку йортлары абитуриентлар арасында популяр, шуңа күрә яңа тулай торакка ихтыяҗ зур.

- Чит район, республика, өлкә, илләрдән студентлар күп. Аларга яшәү урыны кирәк. Шуңа да яңа тулай тораклар төзү мәсьәләсе актуаль. РФнең мәгариф һәм фән министрлыгының моңа юнәлгән махсус программасы да бар, - ди ул.

Сүз уңаеннан, WorldSkills ярышларына әзерләнү сәбәпле, КФУда бу уку елы иртәрәк тәмамлана.