КФУ ПРОФЕССОРЫ: «АТНА АХЫРЫНДА САЛКЫНАЙТАЧАК»

КФУ профессоры сүзләренчә, салкын көннәр бу атна ахырына киләчәк. Бу салкыннар 4-5 көнгә сузылачак.

Атна дәвамында температура -20 градуска кадәр төшәчәк, дип фаразлана.

– 5 февральгә кадәр температура гадәттәгедән югарырак булачак. Аннан соң ул -20гә кадәр төшәргә мөмкин. Шимбә, якшәмбе көннәрендә  явым-төшем көтелә.  Мондый салкын көннәр 4-5 көнгә сузылырга мөмкин, - ди КФУның метеорология, климатология һәм экология кафедрасы мөдире Юрий Переведенцев.

Шулай ук белгеч каты җил, буран булу ихтималы турында да әйтә. Гидрометеорология үзәге хәбәр итүенчә, 6 февраль көнне -14, 7  февраль көнне -17 гадус салкын булуы көтелә. Ә шимбәдән якшәмбегә каршы төнгә температура -21гә җитәргә мөмкин.