КЕМГӘ КУРА ҖИЛӘГЕ АШАРГА ЯРАМЫЙ?

Табиб-диетолог Ольга Кораблева кура җиләген кемнәргә ашарга ярамавы турында әйтте.

Табиб әйтүенчә, сәламәтлеге белән проблемалары булмаган кешегә көненә күп дигәндә 400 грамм кура җиләге ашарга рөхсәт ителә. 

Әмма гастрит, язва кебек ашказаны авырулары, бөер авырулары булган кешләргә аны ашарга киңәш ителми.

Кораблева кура җиләгенең көчле аллерген булуы турында да әйтә. Шуңа күрә башка җиләкләргә (мәсәлән, виктория) аллергия булган кешеләргә аны күп ашарга ярамый. Боларга өстәп, кура җиләгенең аппетитны яхшырта торган үзлеге дә бар.

- Әгәр калорияләрне аз булса да киметергә теләсәгез, әлеге җиләкне ашамый торыгыз яки аны йогурт, эремчек белән ашагыз, - ди диетолог.