КЕМЕРОВОДА ЯНГАН "ЗИМНЯЯ ВИШНЯ" УРЫНЫНА – "ФӘРЕШТӘЛӘР СКВЕРЫ"

Кемеровода янган "Зимняя вишня" сәүдә үзәге урынына "Фәрештәләр скверы" ачылган. Бу турыда Интерфакс хәбәр итә. 

– Безнең максат кайгы түгел, ә көч, рух ныклыгы урыны төзү иде. Монда Кузбасс территориясендә үсә торган барлык әйберләр утыртылган, – ди өлкә губернаторы әлеге сквер хакында.

Скверда әлеге куркыныч янгында үлгән кешеләр санына тәңгәл итеп 60 нарат агачы утыртылган. 2018нче елның 25нче мартында Кемерово шәһәрендә булган бу коточкыч вакыйга 60 кеше, шулар арасында 37 баланың гомерен алган иде...