Казанның иң кыска, иң озын һәм иң кыек урамнарын беләсеңме?

Яндекс Россия шәһәрләренең урамнарын тикшергән. Казанда барлыгы 2007 (!) урам бар икән, аларның уртача озынлыклары 667 метрны тәшкил итә. 

Башкалабыздагы иң озын урам – Тэц урамы, аның озынлыгы – 9,9километр, ә иң кыска урам – Тау асты урамы (Подгорная), озынлыгы 33 метр. Иң кыек урам булып Яңа Татарстан урамы санала.

2007 урам исеменең 665е бары тик Казанда гына очрый. Димәк, һәр өченче урам исеме уникаль булып чыга. 8% тирәсе урам танылган шәхесләрнең исемен йөртә, 5%ы табигатькә бәйле атамалар алган.

Россия буенча караганда, уртача урам озынлыгы 708 м икән. Иң озан урам Пермьдә, ул - 22,6 километр. Ил буенча күп очрый торган урам исемнәре булып Үзәк (Центральная), Яшьләр (Молодежная), Мәктәп (Школьная) тора.