Казанга туристлар агыла

2017 елның гыйнварыннан алып августына кадәр Казанга 2,2 млн турист килгән. 

Әлеге сан узган елдагысына караганда 10% ка күбрәк. 2,2 млнның 78,8 меңе - Казахстан, Кытай, Германиядән килгән туристлар. Иң күп кеше Мәскәү, Владимир, Киров, Төмән өлкәләреннән икән.

Конфедерацияләр Кубогын үткәргән көннәрдә туристлар саны узган елның шул вакыты белән чагыштырганда 18% ка арткан, җанатарларның күбесе Чили, Мексикадан булган.Шулай ук Германия, Англия, Испания, Яңа зеландия, Австралия, Франция, Израильдән килүчеләр дә бар.
Сораштырулар күрсәткәнчә, килгән кунакларның 84, 2% ы Казанга ял итәргә килә, ә һәр икенче кешенең Татарстан башкаласына береенче генә килүе түгел икән.

Туристларны җәлеп иткән урыннар булып Казан Кирмәне, “Ривьера” күңел ачу үзәге тора.