КАЗАНДА «ЯЗГЫ ТАМЧЫ» ФЕСТИВАЛЕНЕҢ ГАЛА-КОНЦЕРТЫ УЗА

4 апрельдә Казанда «Язгы тамчы» шәһәр фестиваленең гала-концерты уздырыла. Анда һөнәри белем бирү оешмаларында белем алучы ике меңнән артык укучы катнашачак. Фестивальнең темасы – милли мәдәниятләр һәм традицияләр.

Сайлап алу этабы 9-10 мартта профессиональ оешмаларда, ә 11, 14, 15 һәм 16 мартта А.Гайдар исемендәге Казан яшьләр үзәгендә узачак. Казанның 30 һөнәри белем бирү оешмасы үзенең бәйге программасын тәкъдим итәчәк. Яшьләр сәясәте, мәдәният һәм сәнгать эшлеклеләреннән торган профессиональ жюри 300 дән артык иҗади номерны бәяләргә тиеш. Гала-концертта иң яхшыларга дипломнар һәм истәлекле бүләкләр тапшырылачак.