КАЗАНДА ВИНТАЖ ӘЙБЕРЛӘР ФЕСТИВАЛЕ УЗАЧАК

15 апрельдә Казанда «КультТорг» акыллы куллану фестивале узачак. Республикада яшәүчеләр винтаж әйберләр сатып ала, фримаркетка әйберләр һәм гринмаркетта яшел үсемлекләр һәм чәчәкләр белән алмаша алачак.

Шулай ук мәйданчыкта икенчел чимал җыю буенча да акция узачак – кием, җеп, пластик уенчыклар, савыт-саба һәм башка әйберләр кабул итәчәкләр, дип хәбәр итә оештыручылар.

Фестиваль 12:00 сәгатьтән 19:00 сәгатькә кадәр Бауман урамы, 44/8 адресы буенча урнашкан сәүдә үзәгендә узачак.