КАЗАНДА 183 МЕҢ УКУЧЫ ЯҢА УКУ ЕЛЫН БАШЛАДЫ

Бүген Казанда 183 мең бала мәктәп парталары артына утырды. Шуларның 16 меңе – беренче сыйныф укучылары.

Казан мэры Илсур Метшин 170 нче лицейда узган Белем көне тантанасында шәһәрдә балаларның сәләтләрен үстерү өчен мәктәпләрдә һәм мәктәпкәчә белем бирү учреждениеләрендә уңай шартлар тудыруга зур игътибар бирелүен әйтте.

Аның сүзләренчә, быел белем бирү учреждениеләрендә спорт инфраструктурасын үстерүгә аеруча зур әһәмият бирелгән.