КАЗАН ЯШЬЛӘРЕНЕҢ КҮПМЕСЕ БАШКАЛАДАН КИТӘРГӘ ТЕЛИ?

Кайсы шәһәр кешеләре үз торган җирләреннән канәгать түгел? Алар кая күченеп китәргә хыяллана? Шушы сорауга җавапны табу өчен Россиядә яшәүче 18-30га яшьтәге кешеләр арасында сораштыру уздырганнар.

Анда кешесе 250 меңнән дә ким булмаган шәһәрләр катнашкан. Әлеге сораштыруны РФ хөкүмәте каршындагы финанс университеты белгечләре уздыра. Киләсе 7 ел эчендә яшьләрнең 70%ы Казаннан беркая да китәргә җыенмый икән. Ә менә Казан яшьләренең 28%ы яхшы тормыш эзләп, башка шәһәргә китмәкче. Татарстан шәһәрләре арасыннан рейтингка Чаллы да эләккән. Андагы яшьләрнең 63%ы торган җирләреннән канәгать, ә 37%ы киләсе 7 ел эчендә шәһәрдән чыгып сызарга уйлый.

Кайсы шәһәрләрдә яшәүче яшьләр башка җиргә күченеп китәргә аеруча  хыяллана икән? Анысы да билгеле: бу исемлекнең башында Тольятти (55%), Омск (47%) һәм Барнаул (45%) тора, алардан соң Чиләбе, Волгоград килә.

Ә менә кайсы шәһәрләрдә яшәүчеләрнең күбесе, киресенчә, беркая да китәргә теләми? Менә алар: Севастополь (16%), Грозный (17%) һәм Краснодар (21%).

Сораштыру барышында яшьләрнең үзләре яшәгән шәһәрләрдән Мәскәү, Санкт-Петербург һәм башка хезмәт хакы югары булган шәһәрләргә күченеп китәргә теләве ачыкланган.