КАЗАН КЫЗЫ – «ГОЛОС. ДЕТИ» ТАПШЫРУЫНДА

Кичә Беренче каналда «Голос. Дети» тапшыруының дүртенче этапы узды. Анда Казаннан 10 яшьлек Ралина Ибраева Леонид Агутинның «Самая лучшая» җырын башкарып, жюриның йөрәген яулый алды.

Ралина - әлегә Татарстаннан килгән бердәнбер катнашучы. Яшь җырчыны үз төркеменә Егор Крид чакырды:ул - жюри әгъзаларыннан кызга бердәнбер әйләнеп караучы кеше. Крид билгеләп үткәнчә, Ралина аны елмаерга мәҗбүр итә алды.

Ралина дүрт яшеннән алып җырлый. Ә хәзер ул 4нче сыйныфта укый һәм популяр музыкант,продюсер Игорь Крутой академиясе студенты да булып тора.