КАМАЛ ТЕАТРЫНДА «ӘЛДЕРМЕШТӘН ӘЛМӘНДӘР» МУЛЬТФИЛЬМЫ ПРЕМЬЕРАСЫ БУЛА

10 майда Галиәсгар Камал исемендәге татар театрында татар телендә тулы метражлы «Әлдермештән Әлмәндәр» анимацион фильмы премьерасы була.
Театрның матбугат хезмәте хәбәр иткәнчә, Әлмәндәр яңадан туган театр сәхнәсенә кайта һәм үзенең дусларын җыя, алар арасында Равил Шәрәфиев, Эмиль Талипов, Илнур Закиров, Гөлнара Гайнетдинова, Ләйсән Гатауллина.

Тамашачылар игътибарына анимацион фильм гына түгел, ә шулай ук персонажларның эксклюзив интервьюлары, фильмны ясаган төркем белән очрашу тәкъдим ителәчәк. Билетларны театр сайтында һәм кассасында сатып алырга мөмкин, диелә хәбәрдә.