КАМАЛ ТЕАТРЫНДА БИЛЕТЛАРНЫҢ ӨЧТӘН БЕР ӨЛЕШЕН МӘСКӘҮ ҺӘМ ПЕТЕРБУРГ ТАМАШАЧЫЛАРЫ АЛА

Камал театрының яңа бинасында куелучы спектакльләргә сатылган билетларның якынча 30 проценты Мәскәү һәм Санкт-Петербургтан килгән тамашачылар өлешенә туры килә. Бу хакта Татарстан мәдәният министры Ирада Аюпова 2025 ел нәтиҗәләренә һәм 2026 елга планнарга багышланган киңәйтелгән коллегия утырышында белдергән, дип яза «Татар-информ».

Министр сүзләренчә, әлеге күрсәткеч башка факторлар белән беррәттән Казанның ил күләмендә әһәмиятле мәдәни үзәккә әверелүен раслый. Яңа Камал театры республика халкы гына түгел, ә Россиянең эре шәһәрләреннән килгән сәнгать сөючеләр өчен дә кызыксыну уята.

Ирада Аюпова ассызыклаганча, тамашачылар географиясенең киңәюе – театрның абруе үсүен һәм Казанның мәдәни потенциалы артуын күрсәтә.