КАБУЛ ИТҮ КАМПАНИЯСЕ КАЙЧАН СТАРТ АЛАЧАК?

РФнең фән һәм югары белем алу министры Валерий Фальков 2020 елдагы кабул итү кампаниясенә бәйле сорауларга җавап бирде.

Кайчан башлана?

БДИ тапшырылу вакыты үзгәрсә дә, югары уку йортларына документлар кабул итү кампанясе инде 20 июньдә үк старт алачак. Чыгарылыш сыйныф укучылары якынча шушы көннәрдә аттестларга ия булачак. Кабул итү комиссияләре гаризалар, аттестатлар, фотолар һәм башка документлар белән эш итәчәк. Абитуриент БДИны тапшырып, аның баллары базага кертелгәч, кабул итү комиссиясе  рейтинг төзиячәк.

Шулай ук июньдә югары уку йортларына документларны урта һөнәри белем бирү йортларын, бакалавриатны тәмамлаучылар  һәм 2019 елда БДИ тапшыручылар да бирү мөмкинлегенә ия.

Валерий Фальков бу турыда:

– Без узган елгы кебек үк кабул итү кампаниясен 20 июньдә башлап, 17 августта тәмамларга булдык. Быелгы төп үзенчәлек булып документларны БДИны тапшырганчы ук биреп булуы тора, - ди.