ИНТЕРНЕТ БӘЯСЕ АРТА? КАЙЧАН? КҮПМЕГӘ?

Россиядә 2021 елда Интернет бәясе 10-15%ка кадәр артырга мөмкин. Тулырак безнең язмада.

Россиянең Интернет, телефония, телевидение тәкъдим итә торган эре челтәрләр вәкилләренең 86%ы 2021 елда тарифларның 10−15%ка артачагын хәбәр итә.

Сораштыру нәтиҗәләре узган ел да якынча шундый булган: респондентларның 84%ы элемтә бәяләренең арту ихтималы турында әйткән була. Әмма бүгенге көндә операторлар бәяләр тагын да ныграк артыр дип көтә.

Сораштыруда 100дән артык компания катнашкан. Аларның күбесендә бәяләрнең 10-15%ка арту ихтималы бар, 10% респондент фикеренчә, бәяләр 20%ка да артырга мөмкин.

Бу хәлләрнең төп сәбәпчеләре булып пандемия нәтиҗәләре һәм сумның бәясе төшүе тора.

Июльдә интернет-омбудсмен Дмитрий Мариничев Россиядә интернет бәясе арту котылгысыз, дип белдергән иде.