Информатикадан БДИны компьютерда тапшыру мәҗбүри булачак

2021 елдан башлап информатика фәненнән БДИ компьютерда тапшырала башлаячак. Бу хакта Россиянең Рособрнадзор башлыгы Сергей Кравцов хәбәр иткән. Хәзерге вакытта информатикадан бу имтиханны укучылар башка фәннәрдән кебек үк кәгазь бланкларда язып тапшыралар. 

Әле күптән түгел генә гуманитар фәннәрдән БДИда интернеттан кайбер мәгълүматларны табу өчен кулланырга рөхсәт итәчәкләре билгеле булган иде.Белгечләр әйтүенчә, бу дөрес булачак. Экспертлар имтихан биремнәрен төзегәндә шуны күз уңында тотачаклар: укучылар интернетта бу сорауга төгәл җавапны түгел, ә бары тик үз фикерләреннән чыгып дөрес нәтиҗәгә килер өчен өстәмә мәгълүмат кына алу мөмкинлегенә ия булачаклар.