ӘГЕРҖЕ РАЙОНЫ КЫЗЛАРЫ – ХАЛЫКАРА ОЛИМПИАДА ҖИҢҮЧЕЛӘРЕ

Казанда IX Халыкара татар теле олимпиадасы һәм «Илһам» яшь ижатчылар бөтенроссия бәйгесе нәтиҗәләре билгеле булды һәм жиңүчеләр бүләкләнде. Чарага республика районнарыннан һәм чит төбәкләрдән мәктәп укучылары, укытучылар, танылган язучылар, дәүләт эшлеклеләре чакырылган иде.

IX татар теленнән Халыкара олимпиадада Әгерҗе районы укучылары аеруча активлык күрсәтте. Исәнбай мәктәбе укучысы Хәбирова Ралинә 1 урынга лаек булды.  Ралинә, шулай, ук, «Илһам» бәйгесендә дә – 1 урында. Ә Габбасова Лиана – лауреат.

Әгерҗе районыннан чыккан студентлар да Халыкара олимпиадада җиңүгә ирештеләр. КФУ студентлары Хуҗина Зәринә – 1 урын (Исәнбай чыгарылышы), Әхмәтова Фәридә – призёр (Кадыбаш авылы). Кызларны бу уңышлары белән ихластан котлыйбыз!