GAUGA РОК-ТӨРКЕМЕ КАМАЛ ТЕАТРЫНЫҢ ЯҢА БИНАСЫНДА КОНЦЕРТ КУЯЧАК

Галиәсгар Камал исемендәге Татар дәүләт Академия театры, Yummy Music лейблы һәм Gauga төркеме театрның яңа бинасында заманча татар музыкасының тәүге концертын тәкъдим итәләр.

22 майда Шәрык Залында күптән көтелгән тарихи, мөһим вакыйга узачак. Күптән түгел бишенче альбомын чыгарган Gauga татар рок-төркеме тулы форматлы тере концерт уйнаячак. Бу Татарстанның мәдәни тормышының үзәгендә алты искиткеч татар музыканты һәм аларның иң яхшы хитлары белән матур һәм дәртле очрашу булачак.

Яшь чикләве: 12+