"ГАРЫК БУЛДЫК - АЛЫП АТЫГЫЗ!"

Казанлыларны соңгы көннәрдә иң борчыган әйберләрнең берсе, мөгаен, бөтен шәһәрне "басып алган" коймалардыр. Инде ничә атна дәвам иткән "коймалау" процессын туктатырга уйламыйлар да, ахры. Инде булган коймаларга терәп икечеләре, өченчеләре куела тора...

Бу бетмәс-төкәнмәс коймалардан казанлылар шулкадәр туйган, хәтта петиция ачып җибәргәннәр. Активистлар фикеренчә, бу коймалар, бердән, матур түгел, икенчедән, бернидән дә сакламыйлар, һәм, өченчедән, шәһәрнең гомум зәвыгына туры килмиләр. Петицияне төзүчеләр хакимияттән бу "коймалау" сәясәтенең уңышсыз булуын кабул итүне һәм халык алдында гафу үтенеп, коймаларны җыеп алуны өмет итәләр.

Сүз уңаеннан, хәзерге вакытта петициягә кул куючылар саны 1500гә якынлаша.

Фото: e-Kazan.ru