ГАЛИМНӘР МӘЧЕ ЙОНЫНА АЛЛЕРГИЯНЕ БЕТЕРҮ ЮЛЫН ТАПКАН

Кызганычка каршы, дөньядагы бихисап кешедә мәче йонына аллергия күзәтелә. Моннан интегүчеләргә тикшеренүчеләр котылу юлын тәкъдим итә. Алар моны астма терапиясе белән башкарып чыгып була дип әйтә.

Милли аллергия һәм йогышлы авырулар институты табиблары тикшеренү үткәргән. Эксперимент барышында мәчеләргә аллергиясе булган 121 пациентка астмадан арындыра торган прививка ясаганнар. Шулай ук ул кешеләр астмага каршы дәвалау курсы да алган. Бер ел астма дарулары һәм аллергиягә каршы прививкадан торган терапиядән соң, экспериментта катнашучыларның мәчегә булган аллергиясе тулысынча диярлек юкка чыккан.