БАШЛАНГЫЧ СЫЙНЫФТА ИҢ АВЫР ФӘН – МАТЕМАТИКА

Башлангыч сыйныф укучылары өчен иң катлаулы фән булып математика танылган. СанПиН нормалары буенча, аның авырлык дәрәҗәсе 8 балл белән бәяләнгән.

Икенче урында – рус теле яки туган тел, шулай ук чит тел. Аларның һәркайсына 7шәр балл бирелгән. Информатика һәм ИКТ, шулай ук әйләнә-тирә дөнья фәннәре 6шар балл җыйган.

Әдәби уку бераз җиңелрәк дип бәяләнгән – аңа 5 балл бирелгән.

Иң җиңел фәннәр арасында сынлы сәнгать һәм музыка бар – алар 3әр балл алган. Технология фәне – 2 балл, ә физкультура нибары 1 балл белән бәяләнгән.

Шулай итеп, СанПиН нормалары буенча, башлангыч сыйныфта укучыларга иң зур йөкләнеш математика дәресләренә туры килә.