ЭССЕ КӨННӘР КАЙЧАНГА КАДӘР ДӘВАМ ИТӘР?

Әлеге сорауга җавапны КФУ профессоры бирә.

Бу атнада эссе һава торышы сакланачак. Мәсәлән, 8 июль көнне һава торышы 34, 9ы көнне 33 градуска кадәр җитәргә мөмкин. 10-11 июльдә бераз салкынрак булырга мөмкин, ул көннәрдә һава торышы 5-6 градуска түбәнрәк булуы көтелә.

Атна дәвамында явым-төшемнәр көтелми. 9,10 июль төннәрендә генә яңгыр явып үтү ихтималы бар.

КФУ профессоры Юрий Переведенцев әйтүенчә, июльдә булачак һава торышы турында төгәл мәгълүмат әйтү авыр.

- Тәҗрибә күрсәтүенчә, җәйнең икенче ае һәрчак эссе була, - ди ул, - әмма гадәттә температура уртача 20,5 градусны гына тәшкил итә иде. Быелгы эссе көннәр озакка сузылырга мөмкин. 1972 һәм 2010 елгы җәйләрнең кабатлану ихтималы да бар.

Профессор 7-17 июль көннәрендә һава торышының эссе булачагы турында кисәтә.