Элвин Грей Казанда ресторан ача

Танылган җырчы Элвин Грей Казанда һәм Уфада ресторан ачарга карар кылган. Рестораннар Элвин Грей лейблы астында эшләячәк. Анда милли ризыклардан да авыз итеп  булачак.

Ресторанның кайда урнашачагы әлегә төгәл билгеле түгел. Ә менә ачылу вакыты көзгә планлаштырылган. Элвин Грей биредә фанатлары белән очрашулар уздырырга ниятләве турында да хәбәр итте. Казанга гастрольләр белән килүче артистлар да биредә очрашачак, дип көтелә.

Хәзерге  вакытта Элвин Грей фанатлары өчен үз бренды астында продукция җитештерү белән мәшгуль. Алар арасында кием-салым да булачак. "Без үз тыңлаучыларыбызның мәнфәгатьләрен кайгыртып эш итәбез. Алар өчен кызыклы булган продукция әзерлибез", - дип белдергән Радик Юльякшин.