Доминик Джокер, Лэйна һәм Бабек Мамедрзаев - «Скорлупино» йомырка фестиваленә рәхим итегез!

2016 елдан Питрәч районында Бөтенроссия «Скорлупино» фестивале уза. Фествальне Питрәч муниципаль районы башкарма комитеты һәм «Татарстан Республикасы Аграр яшьләр берләшмәсе» төбәк иҗтимагый оешмасы оештыра. Өч ел дәвамында анда Татарстаннан һәм Россия төбәкләреннән 15,5 меңнән артык кеше катнашкан.

Фестиваль программасына WorldSkills мәйданчыгы кысаларында тәҗрибә уртаклашу, WorldSkills стандартлары буенча һөнәри осталык буенча дөнья чемпионатын популярлаштыру блогы, шулай ук фестиваль кунаклары өчен концерт программасы да кертелгән: кунаклар өчен Доминик Джокер, Лейна һәм Бабек Мамедрзаев чыгыш ясаячак. Скорлупино - үзенчәлекле йомырка фестивале: йомырка ыргыту буенча чемпионат, таба тотып чабу, дәртле йомыркалы зумба, фотозоналар, балалар бәйрәме, ярминкә, остаханәләр, дегустация мәйданчыклары һәм аттракционнар!

Быел фестивальнең «фишкасы» да булачак - төрле төстәге кечкенә чебешләр. Питрәч районы башкарма комитеты җитәкчесе урынбасары «Скорлупино» узачак районда тәвә кошы фермасы булуын билгеләп үтте. Шушы ук фермада дөя, лама, сыер һәм тавыкның экзотик төрләре бар. Фестивальдә бу хайваннарны тотып карап булачак.

Дүртенче «Скорлупино» Бөтенроссия фестивале Питрәч авылында 20 июльдә узачак.