ДЕПРЕССИЯ БЕЛӘН КӨРӘШЕРГӘ МОБИЛЬ КУШЫМТА ЯРДӘМ ИТӘ

Психик сәламәтлекне саклау берләшмәсе психолог һәм психиатрлары депрессиягә каршы көрәшергә ярдәм итә торган махсус мобиль кушымта әзерләгән.

Аның максаты – кешегә депрессиягә каршы көрәшүнең иң гади һәм файдалы ысулларын өйрәтү. Алай гына да түгел, кеше биредә үзенең психик торышын тикшерә һәм шунда ук файдалы киңәшләр ала алаячак.

Мәгълүмат гади тел белән тәкъдим ителә. Шуңа күрә кушымтаны аңлау белән бәйле авырлыклар булырга тиеш түгел.