ЧЫГАРЫЛЫШ КИЧӘЛӘРЕ ГАДӘТТӘГЕЧӘ ҮТӘРМЕ?

Россиянең Мәгариф министрлыгы быелгы чыгарылыш кичәләрен гадәти форматта уздырырга ниятли.

“Тиздән барысы да үз хәленә кайтыр, моның өчен без барысын да эшләячәкбез. Мин әйткәнемчә, без чыгарылыш бәйрәмен бөтен кешегә күнегелгән форматта уздырырга җыенабыз”, – ди мәгариф министры Сергей Кравцов.

Моңа кадәр, 29 майда, министрлык төбәкләргә чыгарылыш кичәләрен 27нче июньдә онлайн-форматта уздырырга тәкъдим иткән иде. “Чыгарылыш бәйрәмен гадәттәгечә уздыру коронавирус таралу белән бәйле чикләүләрне бетерүнең өченче этабына чыккан төбәкләрдә узарга мөмкин. Тик моның өчен Роспотребнадзорның барлык таләпләрен үтәргә кирәк”, – диелә хәбәрдә.