ЧИТ ИЛ СТУДЕНТЛАРЫ ЯҢА УКУ ЕЛЫНДА НИЧЕК УКЫЯЧАК?

Яңа уку елында Татарстанга чит ил студентлары кайтачак. Әмма алар шундук укырга чыга алмаячак.

Бу турыда Татарстанның Роспотребнадзор идарәсе җитәкчесе урынбасары Марина Трофимова хәбәр итте. Аның сүзләренчә, уку процессы башланыр алдыннан чит ил студентларына ике атна изоляциядә утырырга туры киләчәк. 10-12 нче көндә студентлар коронавируска тест тапшыра.

Тулай торакларга да таләпләр катгыйланган. Бүлмәләрне яхшылап җыештыру, җәмәгать урыннарына антисептиклар урнаштыру мөһим.