Чебоксар шәһәрендә укучы кызның БДИ вакытында йөрәге туктаган

Министрлыкның матбугат хезмәте хәбәр итүенчә, кыз балачактан инвалид булган. Кичә имтиханга килгәч тә, аның үзен начар хис итүен күреп алганнар. Кызны да, аның әти-әнисен дә мәктәптәге медиклар да, укытучылар да имтиханга кермәскә, имтихан бирүдән баш тартырга күндереп караганнар. Тик балигъ булган кыз үзе имтиханга керегә карар кыла.

Кыз бер сәгать буе имтихан сорауларына җавап язган. Бераздан чыгып керергә рөхсәт сораган. Коридорда ул үзен начар хис итә башлый. Медицина хезмәткәрләре аңа оператив рәвештә ярдәм итә, ләкин реанимация чаралары да булышмый - кызның йөрәге туктый.

БДИ тапшыруның төп периоды 27 май көнне география һәм әдәбият фәннәре белән башланып китте. 29 майда укучылар математика тапшырды. Төп период 1 июльгә кадәр дәвам итәчәк. Рособрнадзор мәгълүматлары буенча, 2019 елда БДИ имтиханнарын 750 мең укучы тапшырачак.