ЧАЛЛЫДА ФЁДОР БОНДАРЧУК ФИЛЬМЫНА АКТЕРЛАР ЭЗЛИЛӘР

Танылган режиссер Федор Бондарчук “КАМАЗ-Мастер” командасы турында фильм төшерергә әзерләнә. Хәзерге вакытта алар Чаллыда массакүләм күренешләр өчен актерлар сайлау буенча кастинг игълан иткән.

Фильмны 26нчы гыйнвар көнне төшерә башлаячаклар һәм ул 18 февральгә кадәр дәвам итә. Кастингка исә 25-45 яшьтәге Чаллы халкын чакыралар. Гаризалар 22 декабрьгә кадәр VK төркемендә кабул ителә. Гаризаларның барысын да өйрәнеп, аларның “Вконтакте”дагы битләре белән танышып, фотобанк булдырачаклар. Режиссер сайлап алган кешеләр съемкага чакырыла.